Sigríður Jónsdóttir

15.12.2007 | 16:28

Vinsælasta reykingalyfið í rannsókn

Tekið af visir.is: http://visir.is/article/20071215/FRETTIR02/112150168

Vinsælasta lyfseðilsskylda reykingalyfið á Íslandi, Champix, er í rannsókn hjá Lyfjastofnun Evrópu í kjölfar tilkynninga um þunglyndi og sjálfsvíg hjá neytendum þess.

„Byggt á fyrstu skoðun á skýrslum sjúklinga hefur nefndin úrskurðað að þetta geti verið vandamál," sagði Monika Benstetter, talskona stofnunarinnar sem sinnir eftirliti og útgáfu leyfa fyrir lyf í Evrópu.
Stofnunin óskaði í gær eftir því að framleiðandi Champix, lyfjafyrirtækið Pfizer, uppfærði upplýsingabækling með lyfinu strax í næstu viku þar sem læknar og sjúklingar yrðu varaðir við möguleika á þunglyndi eða sjálfsvígshættu við inntöku lyfsins. Í núgildandi upplýsingabæklingi er ekki varað við hættu á sjálfsvígshugleiðingum.

Sala á Champix hófst í ríkjum ESB í september 2006 og á Íslandi um síðustu áramót að sögn Mímis Arnórssonar, lyfjafræðings og upplýsingafulltrúa Lyfjastofnunar Íslands.

Mímir sagði það gerast nánast í hverjum mánuði að breyta þyrfti upplýsingum um lyf en sjaldgæft væri að lyf séu alveg tekin af markaði. „Við munum taka nákvæmlega sömu stefnu og Lyfjastofnun Evrópu og er það gert í öllum löndum á evrópska efnahagssvæðinu."

Aðspurður um alvarleika þessara aukaverkana sagðist Mímir þurfa að kynna sér málið betur áður en hann gæti svarað því.

...........

Sigríður skrifar: maður svona veltir fyrir sér hvað er verið að meina með því að setja lyf á markað sem er ekki búið að fullreyna, því að nánast í hverjum mánuði er verið að breyta upplýsingum um lyf vegna aukaverkana. Mér finnst þetta ekki sniðugt.

Flokkur: Bloggar | Facebook

Athugasemdir

Persónulega,kemur mér EKKI Á óvart.

Þórarinn Þ Gíslason (IP-tala skráð) 18.12.2007 kl. 04:14

Nú er það bara gleðileg jól!

Valgerður Halldórsdóttir, 21.12.2007 kl. 22:32

Ég og minn tókum þetta lyf. Ég tók það í 3 vikur.Depurð og neikvæðni gerðu vart við sig hjá mér. Og ég hætti á lyfinu. Ekki veit ég hvort það var eingöngu reykleysinu um að kenna en ég beittist á meðan inntöku lyfsins stóð. Er orðin fín í dag og er reyklaus.En´mig grunar að það verði að skoða þetta lyf mun betur.GLEÐILEG JÓL

Birna Dis Vilbertsdóttir (IP-tala skráð) 22.12.2007 kl. 12:01

Kærar jólakveðjur til þín og þinna, heyrumst hressar á nýju ári

Ásgerður , 24.12.2007 kl. 06:58

Gleymdi einu svona

Ásgerður , 24.12.2007 kl. 07:02

Það er nú hálfgerð kaldhæðni þarna...fólk fer og kaupir lyf til að hætta reykingum = lengja við það líf sitt .... en svo er aukaverkunin af því sem á að lengja líf þitt sjálfsvíg....En annað..þetta stop smoking lyf er ekki það eina sem er svona umdeilt, Zyban er það líka. Ég og karlinn fórum til doksa og vildum fá þetta Zyban. Málið er að þessi læknir er mjög mótfallinn reykingum, en þegar hann sýndi okkur A4 blaða skrifað báðum megin með aukaverkunum þá leist okkur ekki á þetta lyf. Læknirinn sagði t.d. af tvennu illu þá væru reykngarnar þó skömminni skárri..Samt var þetta læknir sem sagði fólki iðulega að hætta að reykja ef viðkomandi reykti oft áður en hann skoðaði viðkomandi... Vinafólk mitt ákvað að nota Zyban til að hætta "reykelsinu"...hjá manninum endaði það þannig eftir viku þurfti hann lyf til að geta sofið og vinkonan átti líka erfitt með að sofa en ekki þó svona og fleiri voru aukaverkanirnar.....En þau reykja enn í dag ..það virkaði allavega ekki fyrir þau....Zyban eykur líkurnar á því að fá slag...flott....eða þannig... Svo segi ég bara gleðileg jól og farsælt komandi ár og takk fyrir árið sem er að líða...

Agný, 24.12.2007 kl. 10:24