Hvað er að vera Normal?

Ég fór á fyrirlestur í Háskólanum í Reykjavík í gær. Ungur maður með Asperger talaði um sína reynslu af því að brjóta sig út úr einhverfurofinu og brúa bilið á milli tilbúins hugarheims og hins raunverulega heims. Magnaður fyrirlestur. Í lok var hann spurður að því hvað það þýðir að vera Normal. Hann hugsaði sig um og svaraði síðan " Það að vera Normal er að viðurkenna hversu einstakur þú ert. Það er óeðlilegt að vera eins og aðrir".

Þetta eru orð að sönnu. Ekkert okkar er eins og við getum aldrey orðið það. Ég er svo sammál honum í þessari útskýringu. 

Guð skapaði okkur á svo stórkostlegan hátt. Skaparinn dregur ekkert undan. Við erum fær um að skynja og vinna úr hlutunum með fleiri leiðum en  bara orðum. Hann gaf okkur snertiskynið, lyktarskyn, heyrn og sjón. Við verðum að gera ráð fyrir og virkja þessi skynfæri. Ef við notum þau öll opnum við fyrir sköpunargáfuna og verðum eins og geislandi ofvirkir snillingar.

 

Athugasemdir

[Íris Hrund Halldórsdóttir (IP-tala skráð) 24.6.2007 kl. 14:39]

Sæl Sirrý !

Vill svo skemmtilega til að ég sat þennann fyrirlestur líka.  ;)    Að hlusta á þennann mann hvernig hann hefur náð því að sigra hug sinn og brotist út úr heimi einhverfunnar.

Þetta svar hans um hvað er það að vera "vemjulegur" kveikti í mér.  Af hverju er það svo ríkt í samfélaginu í dag að reyna að passa inní "normið". Fólk gleymir því að kynnast sjálfu sér og skoða hvað það er sem gerir það ánægt og hvar styrkleikarnir liggja.  Halda uppá þá og hlúa að þeim.  Ég náttúrulega er ekki undanskilinn þessu brenglaða normi. 

Ég held að allir hefðu gott af því að kynnast þessum unga manni.  Ég ætla að minnsta kosti að nálgast bók hans "Born on a blue day" og kynna mér persónuleg afrek hans og læra eitthvað af þeim.

Kv. Íris