Góður nætursvefn eflir minnið

Ný rannsókn leiðir í ljós að góður nætursvefn eflir minni manna daginn eftir. Jafnframt á viðkomandi auðveldara með að læra hluti.

Rannsóknin bendir til að meðan á góðum nætursvefni stendur styrkist sambandið milli taugafruma í heilanum en það er lykillinn að bæði góðu minni og lærdómshæfileikum.

Það var háskólinn í Genf sem stóð að rannsókninni og var hún nýlega kynnt á ráðstefnu taugafræðinga. Tveir hópar fólks fengu mismunandi verkefni á sviði minnis- og lærdómsgetu.

Annar hópurinn fékk svo 8 tíma góðan nætursvefn en svefn hins hópsins var truflaður. Í ljós koma að hópurinn sem svaf vel stóð sig mun betur í verkefnum sínum en sá sem svaf illa eða lítið.

http://visir.is/article/20080714/FRETTIR05/810641601

 

 

Athugasemdir

[Halldóra Lára Ásgeirsdóttir, 16.7.2008 kl. 19:39]

Sæl Sirry mín!

Góð áminning þetta með svefninn, ég er að reyna að passa upp að sofa

8 tíma svo heilsan verði góð daginn eftir.Ekki spillir að minnið verði betra

   Drottinn blessi þig í öllu!

                 Kv. Halldóra.

[Ása (IP-tala skráð) 5.8.2008 kl. 19:58]

Takk fyrir þetta - ég ætla að vera mjög meðvituð með svefn fyrir syni mína og sjálfa mig - takk alveg innilega!!!!

[Páll Rúnar Elíson (IP-tala skráð) 17.8.2008 kl. 14:03]

Sæl,góð grein.Ég er nú einn af þeim sem sofna áður en höfuðið nær að snerta koddann,hehe,en ég hef oft pælt í því hvort maður fær meiri hvíld með því að sofa á bakinu?Ég sef alltaf á síðunni og er því að skipta yfir sennilega nokkrum sinnum á nóttu.

Gangi þér vel Sirrý.hv Pallielís