Ég mæli með þessum sumarbúðum

Komið þið sæl.

Ég hef viðtað af þessum sumarbúðum í dálítinn tíma og mæli eindregið með þeim. Um er að ræða sumarbúðir sem heita Ævintýraland og eru staðsettar í Borgarfirði. Ég átti gott spjall við Svanhildi sem sér um sumarbúðirnar í gær og sagði hún mér að þessar sumarbúðir henti einstaklega vel fyrir börn með ADHD. Það kemur mér ekki á óvart því að það er svo margt sem er í boði þarna og áhersa sumarbúðana er að styrkja styrkleika og sjálfsmynd barna.   

Starfsemin

Sumarbúðirnar Ævintýraland eru félagasamtök í Reykjavík og hófu starfsemi sína árið 1998. Þær voru starfræktar að Reykjum í Hrútafirði fyrstu sex sumrin en fluttu að Hvanneyri í Borgarfirði árið 2004. Árið 2007 var starfsemin í Grunnskólanum á Hellu. Sumarbúðirnar eru fjölmenningarlegar og hlutlausar í trúmálum. Þær eru ætlaðar börnum á aldrinum 7-14 ára.

Meginstefna sumarbúðanna er að ýta undir sjálfstraust barnanna, styrkja sjálfsmynd þeirra, kenna þeim að virða sig, aðra og umhverfi sitt. Allir, börn og starfsfólk, eiga að koma fram við aðra eins og þeir vilja láta koma fram við sig.

Mikil áhersla er lögð á að fá starfsfólk með menntun á sviði lista, kennslu eða uppeldis- og sálfræði. Góð reynsla er einnig mjög mikils metin. Börnunum er skipt í hópa og hefur hver hópur eigin umsjónarmann sem heldur utan um börnin sín allan tímann.

Hér er heimasíða Ævintýralands:

http://sumarbudir.is/2B2EE8FD-87FC-4B5C-B119-9BBB537DF43C.html

Með kveðju Sigríður Markþjálfi